Մեկնարկել է ՆՓԱԿ-ի կողմից նախագծված “Perform with the Community” արվեստային կացարանի ծրագիրը, որն իրականացվում է Europe Moves Culture ծրագրի շրջանակներում։ Հինգ արվեստագետ Ֆրանսիայից, Իտալիայից, Ռումինիայից և Վրաստանից 83 օր անցկացնելու են Արաքս գյուղում։ Նախագծի շրջանակներում արվեստագետներն իրականացնելու են արվեստային ուսումնասիրություն համայնքի, տեղի պատմությունների, մշակույթի ու լեզվի մասին, որոնք վերածվելու են փերֆորմանսների, կատարումների և այլ արվեստային մեդիաների։ Արվեստային կացարանի նախագծի շրջանակներում մի շարք միջոցառումներ են սպասվում, որոնց մասին տեղեկություն կկարողանաք գտնել մեր կայքում և սոցիալական կայքերի էջերում։
Նախագիծը ֆինանսավորում է Եվրոպական Միության կողմից։
