Նախագծի սկիզբը դրվել է 2019 թվականին, երբ Լորա Ֆրիթն ու Քևին Քրիսմանը պատահաբար տեղեկանում են մի հնձիչ մեքենայի գոյության մասին, որը թաղված է Ֆրանսիայի Ժերս շրջանի մի անհայտ վայրում։ Այդ պահից սկսվում է նրանց որոնողական, հետազոտական ընթացքը՝ փորձելով բացահայտել այդ խորհրդավոր փաստի թաքնված շարժառիթները։
Թեև հնձիչ մեքենան գտնել չի հաջողվում, սակայն այն ամենը, ինչ նրանք կարողանում են բացահայտել այս գործընթացում, դառնում է մի նախագծի սկիզբ, որը կոչվում է «Creuser»՝ «փորել»։
Սա մեկնարկային կետ է, որը հետագայում վերածվում է երկարաժամկետ մի հետազոտության․ ձևերի ու ժեստերի, գործողությունների ու գործող անձանց, համատեքստերի, պատմության ու հիշողության ուսումնասիրության։
2025 թվականին ՆՓԱԿ-ի կողմից նախաձեռնած «Perform with the Community» արվեստային կացարանի ծրագրի շրջանակներում, Քևինը, Լորան և Լեոն հյուրընկալվում են Արաքս գյուղում՝ անցկացնելով այնտեղ 84 օր։
Ցուցահանդեսի միջոցով նրանք վերարտադրում են իրենց փորձառությունը՝ անդրադառնալով գյուղատնտեսական աշխատանքներին, ժեստերին, նյութերին, մարդկանց, հիշողություններին ու ապագայի հանդեպ ձևավորված ամբիցիաներին։
Արտիստներ՝
- Լորա Ֆրիթ,
- Քևին Քրիսման,
- Լեո Սյուդր
Համադրող՝ Արամ Զուրաբյան
օգոստոսի 29- հոկտեմբերի 18
ՆՓԱԿ, 2025
