Sevan ArtHub-ը Նորարար Փորձառական Արվեստի Կենտրոնի կողմից իրականացվող կրթական նախագիծ է, որն իրականցվել է EU4Culture ծրագրի շրջանակներում Սևան քաղաքում։
Նախագիծը նպատակ ուներ Սևան համայնքում ապրող երիտասարդների շրջանում մեծացնել ժամանակակից արվեստի հանդեպ հետաքրքրությունը, աջակցել սեփական արվեստային հղացքների ու գաղափարների իրագործմանը, փոխանցել ու համաստեղծել ժամանակակաից արվեստի պատմության և տարբեր մեդիաների վերաբերյալ գիտելիք ու հմտություն։
Նախագիծը մեկնարկել է 2024 թվականի հունվարին՝ ներառելով կրթական բաղադրիչի մշակում, մասնագետների ընտրություն և վերապատրաստում, Սևան համայնքից ներգրավված մասնակիցների համար աշխատարանների, դասախոսությունների, արվեստագետների հետ հանդիպումների կազմակերպում։
Առանձնահատուկ շնորհակալ ենք Բոհեմ արտ-սրճարանի աշխատակազմին և Սևանի երիտասարդական կենտրոնին նախագծին մեծապես աջակցելու համար։
Սևան ԱրտՀաբը ֆինանսավորվում է Եվրոպական միության կողմից EU4Culture ծրագրի շրջանակներում, որն իրականացվում է Գյոթե ինստիտուտի, Չեխիայի կենտրոնների, Դանիական մշակութային ինստիտուտի և Վրաստանում Ֆրանսիայի Ինստիտուտի կողմից:
ՆՓԱԿ, 2024
