Իմպուլս

«Իմպուլս»-ն արվեստագետների նախաձեռնած ցուցահանդես է, որը ներառում է մուլտիմեդիա աշխատանքներ, միջդիսցիպլինար ինստալյացիաներ, ընկղմող փորձառություններ և մասնակցային արվեստի գործեր:
Ցուցահանդեսի հիմքում ընկած են համագործակցությունը և ինտերակտիվ փորձառությունը:

Այստեղ արվեստը ներկայացնում ենք որպես կոլեկտիվ խաղ, որին հորդորում ենք մասնակցել՝ շոշափել, շոյել, զարկել, միջամտել… Մեր ստեղծած «խաղերը» վերաիմաստավորվում են այցելուների ներգրավվածությամբ, և այս ցուցահանդեսով ուզում ենք շեշտել արվեստի հետ առնչվող «հասարակ մարդու» կարևորությունը՝ համախմբված մշակութային վերելքի ձգտման ճանապարհին:

Ցուցահանդեսն իրականացվում է «ԺԱԻ»-ի և «ArtNexus»-ի «Ինչպես գոյատևել որպես սկսնակ արվեստագետ 2.0» ծրագրի շրջանակներում՝ մասնակից արվեստագետների նախաձեռնությամբ և «ՆՓԱԿ»-ի աջակցությամբ:

Բացումը՝ սեպտեմբերի 14-ին ժամը 18:00-ին։

ՆՓԱԿ, 2024