«Զգացողությունների թանգարան»/ Ներկայացում – ցուցահանդես
«Զգացողությունների թանգարան» նախագիծը դա ներկայացում-ճամփորդություն է, որի ընթացքում հանդիսականը թատրոն-թանգարան մտնելով անցնում է տարբեր զգացողություններ առաջացնող ցուցանմուշների միջով: Ներկայացման այցելուն որոշ դեպքերում պարզապես դիտորդի դերում է, իսկ որոշ ցուցանմուշների պարագայում գործողության ակտիվ մասնակից:
Ցուցանմուշները, օգտագործված երաժշտությունը, տեքստերը ոչ ուղղակիորեն, բայց որոշակի ձևով արտացոլում են այն զգացողությունների գամման, որոնք ասոցացվում են 1915 թվականի Հայոց Ցեղասպանության ժամանակ տեղի ունեցած դեպքերի, մարդկային ապրումների հետ:
Այս նախագծով մենք նպատակ ունենք ցույց տալ և ստեղծել մի հարթակ, որտեղ անձը կարող է վերապրել այն ամենը, ինչ զգացել է հայը ցեղասպանության ժամանակ:Ճամփորդության ավարտին հանդիսատեսը անցած է լինելու Ցեղասպանության ամբողջ սարսափի միջով:
Նախագծի իրականացնող թիմը «ՀԱՅ ՖԵՍՏ» Միջազգային Թատերական Փառատոն է, իսկ մտահղացումը և բեմադրությունը Վահան Բադալյանինը:
